ჭანტურიას ქულა სახლში (ვიდეო)
ეკატერინბურგის „ურალმა“, სადაც გიორგი ჭანტურია გამოდის, რუსეთის პრემიერლიგის მე-5 ტურში შინ ტულის „არსენალს“ ვერ მოუგო - 1:1.
საქართველოს ფეხბურთელთა ეროვნული გუნდის ნახევარმცველი სასტარტო შემადგენლობაში არ იყო და თამაშში 64-ე წუთზე ჩაერთო. სტუმრებმა გოლი 48-ე წუთზე გაიტანეს, ხოლო მასპინძლებმა ქულა 87-ეზე გადაარჩინეს. მეტოქის კარი ზამბიელმა ჩისამბა ლუნგუმ აიღო, რომელიც თავის დროზე „ზუგდიდში“ გამოდიოდა და საქართველოს მოქალაქის პასპორტიც კი მისცეს, რომ ახალგაზრდულ ნაკრებში მიეწვიათ. „ურალი“ 5 ქულით 16 გუნდში მეათეა.
