ყველა სპორტული სიახლე

„სასუოლოს“ ტექნიკური მარცხი ჩაუთვალეს

იტალიის სერია A-ს ხელმძღვანელებმა „სასუოლოს“ მე-2 ტურში ტექნიკური მარცხი 0:3 ჩაუთვალეს.

„სასუოლომ“ თავის მოედანზე „პესკარა“ მიიღო და 2:1 გაიმარჯვა. თუმცა, სერია A-მ შედეგი გააუქმა, რადგან „სასუოლოში“ შეცვლაზე ანტონიო რაგუზამ ითამაშა, რომელიც კლუბმა სათანადო წესით არ დაარეგისტრირა.

„სასუოლომ“ 26 წლის რაგუზასთან კონტრაქტი 26 აგვისტოს გააფორმა, ერთი დღის შემდეგ, რაც ლიგა სერია A-ში 25-კაციანი განაცხადი გააგზავნა.

ახალი ფეხბურთელის განაცხადში შესაყვანად, კლუბმა ძველი ფეხბურთელი უნდა შეცვალოს და ამის შესახებ ლიგას შეატყობინოს. „სასუოლოს“ მესვეურები ამტკიცებენ, რომ ყველაფერი წესისა და რიგის მიხედვით გააკეთეს, ხოლო სერია სერია A-ს ხელმძღვანებელი სხვა აზრის არიან.

რაგუზა მოედანზე 65-ე წუთზე შევიდა. „პესკარას“ „სასუოლოს“ მიმართ პრეტენზია არ აქვს, მაგრამ ტექნიკური მარცხი მთლიანად ლიგა სერია A-ს გადაწყვეტილებაა. კლუბი ამ გადაწყვეტილების გასაჩივრებას აპირებს.

ფეხბურთი, ევროპა

არქივის კალენდარი

2019 სექტემბერი
  • ორ
  • სამ
  • ოთხ
  • ხუთ
  • პარ
  • შა
  • კვ