ყველა სპორტული სიახლე

უეფას პრეზიდენტისა და გენერალური მდივნის ვიზიტი საქართველოში

29 სექტემბერს, თბილისს ოფიციალური ვიზიტით უეფას პრეზიდენტი ალექსანდერ ჩეფერინი და გენერალური მდივანი, თეოდორ თეოდორიდისი ესტუმრებიან. საქართველო პირველი ქვეყანაა, რომელსაც ალექსანდერ ჩეფერინი უეფას პრეზიდენტად არჩევის შემდეგ ოფიციალური ვიზიტით ეწვევა.

ვიზიტის ფარგლებში დაგეგმილია უეფას პრეზიდენტისა და გენერალური მდივნის სტუმრობა საქართველოს ფეხბურთის ფედერაციაში, სადაც სფფ-ის პრეზიდენტთან და გენერალურ მდივანთან სამუშაო შეხვედრა გაიმართება. ასევე დაგეგმილია ოფიციალური შეხვედრები საქართველოს მთავრობის წარმომადგენლებთან.

შეგახსენებთ, რომ 2016 წლის 14 სექტემბერს ევროპული ფეხბურთის მმართველი ორგანიზაციის პრეზიდენტის არჩევნები გაიმართა, რომელშიც სლოვენიელმა ალექსანდერ ჩეფერინიმ გაიმარჯვა.
საქართველოს ფეხბურთის ფედერაციას ათენში გამართულ არჩევნებზე პრეზიდენტი ლევან კობიაშვილი წარმოადგენდა და მან მხარი ალექსანდერ ჩეფერინის კანდიდატურას დაუჭირა. საქართველოს ფეხბურთის ფედერაციამ საკუთარი პოზიცია არჩევნებზე ჩეფერინის კანდიდატურის მხარდაჭერასთან დაკავშირებით რამდენიმე დღით ადრე დააფიქსირა.

სფფ-ის პრესსამსახური

ფეხბურთი, საქართველო, დღის სიახლე

არქივის კალენდარი

2020 აგვისტო
  • ორ
  • სამ
  • ოთხ
  • ხუთ
  • პარ
  • შა
  • კვ