ყველა სპორტული სიახლე

ჯაბა ლიპარტია როტერდამში დამარცხდა

უეფას ევროპა ლიგის მე-3 ტურის მატჩში, სტუმრად დამარცხდა ჯაბა ლიპარტიას ზორია.

ქართველი ნახევარმცველის გუნდმა როტერდამის ფეინოორდთან 1:0 წააგო.

მატჩის ერთადერთი გოლი 55-ე წუთზე იორგნენსენმა გაიტანა.

ლიპარტიამ შეუცვლელად ითამაშა და 73-ე წუთზე ყვითელი ბარათიც მიიღო.

უკრაინელები 1 ქულით უკანასკნელ ადგილზე არიან, ფეინოორდი კი 6 ქულით მეორე პოზიციაზეა.

მანჩესტერ იუნაიტედი 4:1 ფენერბახჩე

ჯგუფის მეორე მატჩში დამაჯერებლად მოიგო ჟოზე მოურინიოს გუნდმა. იუნაიტედმა საკუთარ მოედანზე ფენერბახჩე 4:1 დაამარცხა. თურქებს დუბლი შეუსრულა პოლ პოგბამ. ფრანგმა ნახევარმცველმა 31-ე წუთზე ანგარიში პენალტით გახსნა, პირველი ტაიმის უკანასკნელ წუთზე კი მეორე გოლიც გაიტანა.

34-ე წუთზე თავის გამოჩენა მისმა თანამემამულე, მარსიალმაც შეძლო. ფრანგმა ფორვარდმა პოგბას მსგავსად პენალტი გაიტანა. 48-ე წუთზე სტუმრებს მეოთხე გოლი ლინგარდმა გაუტანა. მატჩის საბოლოო შედეგი 83-ე წუთზე რობინ ვან პერსიმ დააფიქსირა.

ჰოლანდიელმა ფორვარდმა ყოფილი კლუბის წინააღმდეგ შეძლო გატანა. მანჩესტერი 6 ქულით ჯგუფის ლიდერია, ფენერბახჩე კი 4 ქულით მესამე ადგილზეა.

ფეხბურთი, საქართველო, ევროტურნირები, ლეგიონერი

არქივის კალენდარი

2019 დეკემბერი
  • ორ
  • სამ
  • ოთხ
  • ხუთ
  • პარ
  • შა
  • კვ