ყველა სპორტული სიახლე

ძალოსნებმა საქართველოს ჩემპიონ-პრიზიორები გამოავლინეს

11-13 ნოემბერს, საჩხერემ ძალოსნობაში საქართველოს ჩემპიონატს უმასპინძლა. შეჯიბრში ქვეყნის სხვადასხვა რეგიონიდან 80-ზე მეტმა სპორტსმენმა მიიღო მონაწილეობა და ჩემპიონ-პრიზიორები 8 წონით კატეგორიაში გამოვლინდნენ.

56 კილოგრამში პირველი ადგილი დაიკავა გიორგი დოკვაძემ, რომელმაც 100 კილოგრამი აიტაცა და 118 კილოგრამი აკრა და ჯამში 218 კილოგრამი დააგროვა. მეორე ადგილზე გავიდა გურამ გიორბელიძე - ორჭიდი 211კგ (ატაცი 94 კგ, აკვრა 117 კგ). მესამე ადგილზე გავიდა ზაზა ფუტკარაძე 209 კილოგრამით (ატაცი 96 კგ, აკვრა 113 კგ).

62 კილოგრამში პირველობა არავის დაუთმო შოთა მიშველიძემ, რომელმაც 129 კილოგრამი აიტაცა და 142 კილოგრამი აკრა და ჯამში 271 კილოგრამი მოაგროვა. მეორე ადგილი დაიკავა რამინ შამილიშვილმა 263 კილოგრამით (ატაცი 120კგ, აკვრა 143კგ), ხოლო მესამეზე გავიდა გოდერძი ბერდელიძე 257 კილოგრამით ( ატაცი 120 კგ, აკვრა 137 კგ).

69 კილოგრამ კატეგორიაში პირველობა არავის დაუთმო გოგა ჩხეიძემ, რომელმაც ორჭიდში 294 კილოგრამი დააფიქსირა (ატაცი 132კგ, აკვრა 162 კგ), მეორე ადგილზე გავიდა თორნიკე თოდაძე 285 კილოგრამით ორჭიდში (ატაცი127 კგ, აკვრა 158კგ). მესამე ადგილი დაიკავა ვაჟა ქანთარიამ 259 კილოგრამით (ატაცი 115 კგ, აკვრა 158კგ).

77 კილოგრამ კატეგორიაში საქართველოს ჩემპიონის ტიტული მოიპოვა გიორგი ლომთაძე 310 კილოგრამით ორჭიდში (ადაცი 140 კგ, აკვრა 170 კგ). ვერცხლის მედალი მოიპოვა ირაკლი გაბრიჩიძემ 293 კილოგრამით (ატაცი 133კგ, აკვრა 160კგ). ბრინჯაოს მედალი მოიპოვა ვახტანგ ვეკუამ 291 კილოგრამით (ატაცი 131 კგ, აკვრა 160კგ).

85 კილოგრამ კატეგორიაში ჩემპიონი გახდა რეზი დავითაძე, რომელმაც ორჭიდში 337 კილოგრამი დააგროვა (ატაცი 153კგ, აკვრა 184 კგ) და 42 კილოგრამით აჯობა მეორე ადგილზე გასულ ნოდარ კაკაბაძეს, რომელმაც 134 კილოგრამი აიტაცა, 161 აკრა და ორჭიდში 161 კილოგრამი დააგროვა. ამავე წონით კატეგორიაში ბრინჯაოს მედალი მოიპოვა ნიკა ღარიბაშვილმა 251 კილოგრამით ორჭიდში ( ატაცი 110კგ, აკვრა 141კგ).

94 კილოგრამ კატეგორიაში ჩემპიონი გახდა ლონგო ბრეგვაძე, ვერცხლის მედალი მოიპოვა 2016 წლის ევროპის და მსოფლიოს ჩემპიონმა ახალგაზრდებში, ირაკლი ჩხეიძემ. მესამე ადგილი დაისაკუთრა გიორგი კუზანაშვილმა.

105 კილოგრამ კატეგორიაში პირველი ადგილი დაიკავა დავით ხეცურიანმა, რომელმაც 169 კგ აიტაცა, 204 კგ აკრა და ჯამში 373 კგ მოაგროვა. მეორე ადგილზე გავიდა 2016 წლის მსოფლიო ჩემპიონი ოცწლამდელებს შორის, გიორგი ჩხეიძე. გიორგიმ ატაცში 164 კგ დაძლია, 200 კგ აკრა და ჯამში 364 კგ მოაგროვა. ბრინჯაოს მედალი მოიპოვა თორნიკე კოკაიამ 348 კილოგრამით (ატაცი 158კგ, აკვრა 190კგ).

ჩემპიონატის ბოლო დღის კულმინაცია მძიმე წონაში ჩატარებული შეჯიბრი გახლდათ, სადაც რიოს ოლიმპიადის გამარჯვებული, მსოფლიოსა და ევროპის ჩემპიონი, მსოფლიოს რეკორდსმენი ლაშა ტალახაძე და რიოს ოლიმპიადის ბრინჯაოს პრიზიორი ირაკლი თურმანიძე მონაწილეობდნენ. ლაშა ტალახაძემ რიოს ოლიმპიადის ოქროს საქართველოს ჩემპიონატის ოქროც მიამატა. მან 197 კილოგრამი აიტაცა, 225 კილოგრამი აკრა და ჯამში 422 კილოგრამი მოაგროვა. ვერცხლის მედალი მოიპოვა ირაკლი თურმანიძემ. ოლიმპიადის პრიზიორმა 192 კილოგრამი აიტაცა, 225 აკრა და ჯამში 417 კილოგრამი მოაგროვა. ბრინჯაოს მედალი მოიპოვა ბაქარ თურმანიძემ 343 კილოგრამით (ატაცი 157კგ, აკვრა 185კგ).

შემდეგი მნიშვნელოვანი შეჯიბრი, სადაც ქართველი სპორტსმენები გამოვლენ, ევროპის ახალგაზრდული ჩემპიონატია, რომელიც 4-10 დეკემბერს ისრაელში გაიმართება. ევროპის ჩემპიონატზე იასპარეზებს ლაშა ტალახაძეც.

საქართველოს ძალოსნობის ფედერაციის პრესსამსახური

საინტერესო, ძალოსნობა

არქივის კალენდარი

2023 იანვარი
  • ორ
  • სამ
  • ოთხ
  • ხუთ
  • პარ
  • შა
  • კვ