გამარჯვება და ბონუს ქულა გერმანიასთან (ვიდეო)
რაგბი ევროპის ჩემპიონატის მეორე შეხვედრა საქართველოს რაგბის ეროვნული ნაკრები რუსთავში გერმანიის წინააღმდეგ გამართა. მეორე შეხვედრაში გერმანიასთან საქართველოს ნაკრებმა ანგარიშით 50:6 იმარჯვა.
მე-3 წუთზე გიორგი კოშაძემ ანგარიში გახსნა და გერმანელებს ლელო დაუდო, მერაბ კვირიკაშვილმა კი გარდასახვა ზუსტად შეასრულა და საქართველო ანგარიშით 7:0 დაწინაურდა.
სახიფათო შეტევის შემდეგ კი ეპიზოდი გერმანელთა ჯარიმით დასრულდა, რომლებმაც ანგარიში მეშვიდე წუთზე 7:3 შეამცირეს.
მე-16 წუთზე გიორგი ფრუიძემ ლელო გაიტანა, მერაბ კვირიკაშვილმა კი მახვილი კუათხიდან გარდასახვაც ზუსტად შეასრულა. გერმანელებმა 22-ე წუთზე ანგარიშის შემცირება კვლავ ჯარიმით მოახერხეს.
27-ე წუთზე გიორგი კოშაძემ დუბლი გაიფორმა და მეტოქეს ლელო დაუდო. მეკო კვირიკაშვილმა კი ბურთი ზუსტად გარდასახა და ანგარიში 21:6 გახადა.
მატჩის პირველი ტაიმის მიწურულს საქართველოს ნაკრებს იძულებითი ცვლილების განხორციელება მოუწია. ტრავმირებული ბადრი ალხაზაშვილი გიორგი ჭყოიძემ შეცვალა. 
მეორე ტაიმიც საქართველოს უპირატესობით დაიწყო. ბორჯღალოსნებს ლელოს გატანის რამდენიმე მომენტი ჰქონდათ. საბოლოოდ კი 46-ე წუთზე გიორგი თხილაიშვილმა გერმანია დაალელოვა.
ტრავმის გამო გიორგი ჭყოიძე გიორგი თეთრაშვილმა შეცვალა. სოსო ბეკოშვილი კი ლაშა ტაბიძემ შეცვალა. 57-ე წუთზე ბექა გორგაძემ მეტოქე გუნდს ლელო დაუდო და ანგარიში 31:6 გახადა.
ნოდარ ჭიშვილის ნაცვლად თამაშში საბაშუბითიძე ჩაერთო, გიორგი ბეგოძე კი გელა აფრასიძემ შეცვალა. ახლად შესლი აფრასიძე ტრავმის გამო მოედნიდან მალევე გავიდა, მის ნაცვლად კი ლაშა მალაღურაძე შემოვიდა.
70-ე წუთზე ბორჯღალოსნებმა გერმანელებს მორიგი ლელო დაუდეს, ბექა გორგაძემ კი დუბლი გაიფორმა.
5 წუთში გიორგი თხილაიშვილმა მეტოქეს მორიგი ლელო დაუდო, მერაბ კვირიკაშვილმა ზუსტად გარდასახა.
გერმანელთა შეტევისას კი მსაჯმა თორნიკე მატარაძე გაასინბინა. საბოლოო ანგარიში 50:6 დაფიქსირდა. მატჩის ბოლოს მერაბ შარიქაძემ ლელო გაიტანა, ხოლო ლაშა მალაღურაძემ ზუსტად გარდასახა. საქართველოს ნაკრებმა კი ზედიზედ მეორე შეხვედრაში ბონუს ქულა მოიპოვა.
