საქართველო სათხილამურო და სნოუბორდის ფრისტაილის მსოფლიო ჩემპიონატს უმასპინძლებს
საბერძნეთში, კოსტა ნავარინოში საერთაშორისო სათხილამურო ფედერაციის 51-ე კონგრესის სხდომა გაიმართა.
აღნიშნულ კონგრესზე კენჭისყრის შედეგებიც გამოქვეყნდა, რომლის თანახმადაც 2023 წლის მსოფლიო ჩემპიონატს თავისუფალი სტილით სრიალში თხილამურსა და სნოუბორდში საქართველო უმასპინძლებს. 2023 წლის მსოფლიო ჩემპიონატს ბაკურიანი უმასპინძლებს.
აღსანიშნავია, რომ ქართულმა მხარემ მსოფლიო ჩემპიონატის მასპინძლობის სურვილი 2017 წელს გამოთქვა.
