ყველა სპორტული სიახლე

18 წლამდე გოგონათა ნაკრები ევროპის ჩემპიონატზე საასპარეზოდ ავსტრიაში გაემგზავრა

საქართველოს 18 წლამდე გოგონათა ნაკრები ევროპის ჩემპიონატზე სათამაშოდ ავსტრიაში გაემგზავრა. ნინო ყიფშიძისა და ზვიად დიდბარიძის გაწვრთნილი ნაკრები უკვე მეორე სეზონია, ევროპის ჩემპიონატის B დივიზიონში ასპარეზობს. 2017 წელს ქართველმა გოგონებმა რანგით მეორე დივიზიონში ადგილი შეინარჩუნეს, წლეულს კი სავარაუდოდ უფრო მაღალ შედეგს უნდა ველოდოთ. 

წლეულს B დივიზიონს 3-დან 12 აგვისტოს ჩათვლით ავსტრიის ქალაქები – ობერვარტი, ფიურსტენფილდი და გუსინგი უმასპინძლებენ. ტურნირში მთლიანობაში 24 ნაკრები იასპარეზებს, რომლებიც 4 ჯგუფში არიან განაწილებულნი. საქართველოს ნაკრები A ჯგუფში – ფინეთთან, რუმინეთთან, პორტუგალიასთან, კვიპროსთან და ისლანდიასთან მოხვდა. ჯგუფიდან პლეი ოფში  2 საუკეთესო გუნდი იასპარეზებს.   

3 აგვისტო       რუმინეთი – საქართველო                 22:15
4 აგვისტო       საქართველო – ისლანდია                 22:15
5 აგვისტო       ფინეთი – საქართველო                      20:00
7 აგვისტო       საქართველო – პორტუგალია           17:45
8 აგვისტო       კვიპროსი – საქართველო                   22:15

მატჩების პირდაპირ ტრანსლაციას უზრუნველყოფს ორგანიზატორი ფიბა, რომელიც ყველა შეხვედრას საკუთარ Youtube-ის გვერდზე გადმოსცემს. ბმულები თამაშის დღეს განთავსდება ჩვენს ვებ-გვერდზეც. ბოლოს გეტყვით, რომ ფიბა-ს ოფიციალურ საიტზე აღნიშნული ტურნირის შესაბამის გვერდზე დაიდო სტატია სათაურით: “ჩვენი 8 სუპერ მოთამაშე, რომელთაც შეგიძლიათ უყუროთ B დივიზიონის მატჩებში. 8-დან ერთი ნატალია ოთხმეზური გახლავთ, რომლის ფოტოც აღნიშნული სტატიის სათაურშია გამოტანილი (ჩვენი ამ ნიუსის მთავარი ფოტოც იგივეა).


gbf.ge

კალათბურთი, საქართველო

არქივის კალენდარი

2018 ნოემბერი
  • ორ
  • სამ
  • ოთხ
  • ხუთ
  • პარ
  • შა
  • კვ