ყველა სპორტული სიახლე

რობერტო ლანდი: ახალი გუნდის შენებას ვიწყებთ

„კოლხეთის 1913“ სეზონს ახალი მთავარი მწვრთნელით გააგრძელებს.

რობერტო ლანდი.

სპეციალისტი, რომელიც საქართველოში 1998-2000 წლებში საქართველოს U 21 ნაკრებს წვრთნიდა. სპეციალისტი, რომელიც თავისი სამწვრთნელო კარიერის დროს უზიარებდა გამოცდილებას ლიტვის და ყატარის ასაკობრივ ნაკრებებს. სპეციალისტი, რომელიც 1990 და 1994 წლებში მსოფლიოს ჩემპიონატისთვის ამერიკის შეერთებული შტატების ნაკრების მეკარეებს ამზადებდა. და სპეციალისტი, რომელიც ლეგენდარული ჟორჟ ვეას რეკომენდაციით ლანდი დაინიშნა ლიბერიის ნაკრების მთავარ მწვრთნელად.

ლანდი კლუბში მიმდინარე სეზონის ბოლომდე იმუშავებს.

ფოთში იტალიელის პრეზენტაცია მოხდა.

კლუბს ახალი PR მენეჯერი ჰყავს. „კოლხეთში“ მიმდინარე სეზონის ბოლომდე იმუშავებს სპორტული ჟურნალისტი, ტელეკომპანია SILK-ის მიმომხილველი ზურაბ თალაკვაძე. მწვრთნელის და PR მენეჯერის წარდგენა კლუბის ერთ-ერთმა მეპატრონემ გიორგი ხერხაძემ გააკეთა, რომელიც მოგვიანებით უფრო დაწვრილებით გაისაუბრებს „კოლხეთში“ ახალი ინვესტორების მოსვლის და მათი მიზნების შესახებ.

ვუსმენთ მთავარ მწვრთნელს, რობერტო ლანდის.

რატომ „კოლხეთი“?

რობერტო ლანდი: „ძალიან საინტერესო, მდიდარი ისტორიის გუნდია და მინდა, აქ, ფოთში კლუბის ახალ მფლობელებთან ერთად წარმატება დავაბრუნო. ეს ჩემთვის ახალი გამოწვევაა. მინდა მადლობა გადავუხადო კლუბის მფლობელებს ნდობისთვის. მახსოვს აქ გატარებული პერიოდი, როდესაც საქართველოს ასაკობრივ ნაკრებში ბევრ ნიჭიერ მოთამაშესთან ვიმუშავე. კარგი, სასიამოვნო დრო იყო. მაშინ დაიწყო ჩემი სამწვრთნელო კარიერა დ ძალიან კარგია, რომ საქართველოში დავბრუნდი.“

კლუბის პერსპექტივაზე.

რ.ლ: „მე მჭირდება გუნდი, სადაც ყველა ერთი მიზნისთვის ითამაშებს. მე მჭირდება გუნდი, სადაც ყველა ჩემი პრინციპებით ითამაშებს. მე მჭირდება ერთი გუნდი და მე არ მინდა - 11 კარგი ფეხბურთელი. ჩვენ ერთად უნდა ვსუნთქავდეთ და ეს შესაძლებელია. დარჩენილი გვაქვს 18 შეხვედრა და „კოლხეთმა“ სეზონი უნდა გადაარჩინოს. ეს რეალურია.“

ახალ მოთამაშეებზე.

რ.ლ: „გვყავს რამდენიმე ახალი მოთამაშე. ვაწარმოებთ მოლაპარაკებას რამდენიმესთან. ამაში უშუალო მონაწილეობას იღებენ კლუბის მფლობელები. გვაქვს მოლაპარაკება „იუვენტუსის“ სკოლის აღზრდილთან. განვიხილავთ ერთ ნიჭიერ სლოვაკს. დაწყებულია მოლაპარაკება კოლუმბიელ მოთამაშესთან. როგორც კი მოლაპარაკება დასულდება, ყველაფერს შეგატყობინებთ.“

საქართველოზე.

რ.ლ: „ყველგან, სადაც ჩავდივარ, პატივს ვცემ ამ ქვეყნის ტრადიციებს, ისტორიას. საქართველოს კარგად ვიცნობ და მინდა, თქვენ კიდევ ერთხელ მიმიღოთ. „კოლხეთთან“ ერთად მაქვს მიზანი და ეს მიზანი არა მხოლოდ მიმდინარე სეზონის გადარჩენაა. გვინდა, რომ საქართველოში ევროტურნირებზე გამსვლელი კიდევ ერთი კარგი, საინტერესო გუნდი იყოს. მე მჯერა ჩემი შესაძლებლობების, მე მჯერა „კოლხეთის“ ახალი მფლობელების და მე მჯრეა, რომ გულშემატკივრები ყოველთვის გუნდთან ერთად იქნებიან. ყველაფერი ერთად უნდა გავაკეთოთ.“

„კოლხეთი 1913“-is PR სამსახური.

ფეხბურთი, საქართველო

არქივის კალენდარი

2018 ნოემბერი
  • ორ
  • სამ
  • ოთხ
  • ხუთ
  • პარ
  • შა
  • კვ