ყველა სპორტული სიახლე

ფიფას საფეხბურთო კონფერენცია ლონდონში

მსოფლიო ჩემპიონატის დასრულებიდან 70 დღის შემდეგ, ფიფას წევრი 200 ქვეყნის ფედერაციის წარმომადგენლები ლონდონში შეიკრიბნენ.

მსოფლიო ფეხბურთის მმართველი ორგანოს მიერ ორგანიზებული კონფერენციის მთავარი თემა 2018 წლის მუნდიალი იყო. დიდ ბრიტანეთში კონფერენციაზე საფეხბურთო ნაკრებების მთავარი მწვრთნელები და ტექნიკური დირექტორები მიიწვიეს. საქართველოს ლონდონში ეროვნული ნაკრების მთავარი მწვრთნელი ვლადიმირ ვაისი და ფეხბურთის ფედერაციის ტექნიკური დირექტორი ზაზა ზამთარაძე წარმოადგენდნენ.

ფიფას ტექნიკურმა ჯგუფმა, ფეხბურთის სპეციალისტებს რუსეთის ფედერაციაში გამართული ყველა მატჩის ანალიზი გააცნო, კონფერენციაზე განიხილეს ტაქტიკური სქემები,რომელიც ბოლო მსოფლიო ჩემპიონატზე იყო გამოყენებული.

ინტერვიუს რეჟიმში, სპეციალისტების შეკითხვებს მსოფლიო ჩემპიონი გუნდის, საფრანგეთის ნაკრების მთავარი მწვრთნელი დიდიე დეშამი პასუხობდა. 

კონფერენციაზე საუბრის ერთერთი მთავარი თემა, ბოლო მსოფლიო ჩემპიონატის მთავარი სიახლეც იყო - ვიდეო რეფერი, რომელიც პირველად 2018 წლის მუნდიალზე გამოიყენეს. მსგავსი მასშტაბის კონფერენცია, ფიფას ორგანიზებით პირველად ჩატარდა.

gff.ge

ფეხბურთი, საქართველო

არქივის კალენდარი

2019 დეკემბერი
  • ორ
  • სამ
  • ოთხ
  • ხუთ
  • პარ
  • შა
  • კვ