ყველა სპორტული სიახლე

შენგელიას ბასკონიამ მადრიდში რეალთან ბოლო პერიოდში წააგო

თორნიკე შენგელიასა და მეტ ჯენინგის “ბასკონიამ” ევროლიგის ესპანურ დერბიში “რეალის” წინააღმდეგ მადრიდში ითამაშა და 18 ქულით დამარცხდა. მესამე პერიოდის მიწურულისკენ ანგარიში თანაბარი – 65:65 იყო, თუმცა დარჩენილ დროში მასპინძლებმა ბასკონიელთა წინააღმდეგობა საბოლოოდ გატეხეს და დამაჯერებლად – 97:79 იმარჯვეს.

შენგელია სასტარტო ხუთეულში გახლდათ და მოედანზე 23:04 წუთი გაატარა. თორნიკემ 9-დან 4 ორქულიანი და 2-დან 1 საჯარიმო ჩააგდო და 9 ქულასთან ერთად 3 მოხსნა, 2 პასი, 1 ჩაჭრა და 1 დაფარება მიითვალა. ქართველმა კალათბურთელმა ბურთი 2-ჯერ დაკარგა, ერთხელ დაუფარეს, მეტოქეებს თამაშის წესების დარღვევა 3-ჯერ აიძულა, თავად კი სათადარიგოთა სკამზე 5 პერსონალური ფოლის მიღების მერე გადაინაცვლა.

 საქართველოს ნაკრების ნატურალიზებულმა ამერიკელმა წევრმა – მეტ ჯენინგმა 27:10 წუთში 10 ქულა, 4 მოხსნა და 1 პასი მმოაგროვა. ჯენინგმა 4-დან 2 ორქულიანი და 6-დან 2 სამქულიანი გამოიყენა, 1 შეცდომა დაუშვა, 1 პერსონალური ფოლი მიიღო და მის წინააღმდეგაც ერთხელ დაჯარიმდნენ.

“ბასკონიას” 1 მოგება და 2 მარცხი მოუგროვდა და სატურნირო ცხრილში მე-12 ადგილზე იმყოფება, მომდევნო შეხვედრას კი 25 ოქტომბერს, სტუმრად, მიუნხენის “ბაიერნთან” გამართავს.

gbf.ge

კალათბურთი, საქართველო, ლეგიონერი, დღის ფოტო

არქივის კალენდარი

2019 დეკემბერი
  • ორ
  • სამ
  • ოთხ
  • ხუთ
  • პარ
  • შა
  • კვ