ტალახაძის რეკორდი და ტრიუმფი მსოფლიო ჩემპიონატზე
ლაშა ტალახაძემ მსოფლიო ჩემპიონის წოდება მესამედ მოიპოვა.
ქართველმა ძალოსანმა თურქმენეთის დედაქალაქ აშხაბადში 7 რეკორდი დაამყარა და პირველობა არავის დაუთმო.
ლაშა ტალახაძემ (+109 კგ.) აშხაბადის მსოფლიო ჩემპინატზე ატაცში ოქროს მედალი მოიპოვა და 2 რეკორდიც დაამყარა. პლანეტის უძლიერესმა ძალოსანმა პირველ მისვლაზე 207 კგ. დაძლია, მეორე მისვლაზე აწეული 212 კილოგრამით მსოფლიო რეკორდი დაამყარა, ხოლო მესამე მისვლით საკუთარი რეკორდი 5 კილოგრამით გააუმჯობესა და 217 კილოგრამი აიტაცა.
ტალახაძემ აკვრაში 245, 252, 257 დაძლია და სამივე მისვლა სარეკორდო გამოდგა. ასევე სარეკორდო მაჩვენებელი დააფიქსირა ორჭიდის ჯამშიც (474 კგ.), სადაც საუკეთესო შედეგი ორჯერ აჩვენა!
