ყველა სპორტული სიახლე

ხინჩეგაშვილი მსოფლიო რეიტინგის ლიდერია

მსოფლიოს გაერთანებული ჭიდაობის ფედერაციამ (UWW) ახალი რეიტინგი გამოაქვეყნა, რომლის მიხედვით 57 კილოგრამ წონით კატეგორიაში ლიდერი ვლადიმერ ხინჩეგაშვილია.

ჭიდაობის ფედერაციის ოფიციალური ვებგვერდის ინფორმაციით, 57 კგ-ში ვლადიმერ ხინჩეგაშვილი პირველად გახდა მსოფლიოს ჩემპიონი და მე-8 ადგილიდან პირველ ადგილზე გადაინაცვლა, რომელსაც რუსი ვიქტორ ლებედევი იკავებდა.ეს უკანასკნელი  რეიტინგში მესამეზე გადავიდა. მეორე ადგილზე კი ირანელი ხასან რახიმია.

მსოფლიო ჩემპიონის ტიტულები დაიცვეს აზერბაიჯანელმა ჰაჯი ალიევმა (61), რუსმა აბდულრაშიდ სადულაევმა (86) და თურქმა ტახა აკგულმა (125), რომლებიც რეიტინგის ლიდერები არიან.

ჩემპიონის ტიტული დაიბრუნა ამერიკელმა ჯორდან ბაროუზმა (74). მასთან ერთად მსოფლიო რეიტინგს სათავეში ყველა ჩემპიონი ჩაუდგა - იტალიელი ფრანკ ჩამიზო (65) რომელიც აქამდე მე-5 ადგილს იკავებდა, რუსი გაზიმაგომედოვი (70) და ამერიკელი კილ სნაიდერი (97), რომელმაც რუსი აბდუსალამ გადისოვის დამარცხებით მე-15 ადგილიდან პირველზე გადაინაცვლა.

ქართველი მძიმეწონოსანი გენო პეტრიაშვილი (125), რომელმაც მსოფლიოს ჩემპონატზე ბრინჯაოს მედალი მოიპოვა რეიტინგში მე-3 ადგილზეა.

მე-4 ადგილზეა მსოფლიოს ჩემპიონატის კიდევ ერთი ქართველი ბრინჯაოს პრიზიორი სანდრო ამინაშვილი (86).

ევროპის თამაშების ვერცხლის პრიზიორმა ბექა ლომთაძემ (61) მე-4 ადგილიდან მე-8-ზე გადაინაცვლა. ავთანდილ კენჭაძე (65) და დავით ტლაშაძე (70) მე-10 ადგილს იკავებენ. ევროპის თამაშების ბრინჯაოს პრიზიორი ჯაბა ყველაშვილი (74) მე-8 ადგილზეა. ევროპის თამაშების ვერცხლის მფლობელი ელიზბარ ოდიკაძე (97) კი რეიტინგში მე-6 ადგილს იკავებს.

იხილეთ რეიტინგი https://unitedworldwrestling.org/article/defending-champs-sadulaev-akgul-go-wire-to-wire-atop-freestyle-rankings

 

სხვადასხვა, კალათბურთი, ჭიდაობა / ძიუდო, მსოფლიო

არქივის კალენდარი

2021 სექტემბერი
  • ორ
  • სამ
  • ოთხ
  • ხუთ
  • პარ
  • შა
  • კვ