ნეიმარი კონტრაქტის გახანგრძლივებას არ ჩქარობს
"ბარსელონას" ბრაზილიელი შემტევი კატალონიურ კლუბთან ახალი კონტრაქტის გაფორმებას არ ჩქარობს. ნეიმარისა და კატალონიელთა მიმდინარე ხელშეკრულება 2018 წლამდეა გათვლილი.
"ბარსელონას" მენეჯმენტმა ახალ კონტრაქტზე საუბარი უკვე დაიწყო, თუმცა თავად ფეხბურთელს იურიდიულ საკითხებში სურს გარკვევა, რათა 2 წლის წინ ესპანეთში გადაბარგების დროს შემქნილი პრობლემები აირიდოს თავიდან. El Mundo Deportivo-ს ცნობით, შესაძლოა, ბრაზილიაში არსებული რიგი საკითხების გამო, კონტრაქტის გახანგრძლივება ვერ მოხერხდეს.
ამჟამად ნეიმარის და მისი მამის ბრაზილიური ანგარიშები დაყადაღებულია და საქმეც ჯერჯერობით ძიებაშია.
