ყველა სპორტული სიახლე

ბურჯანაძემ ლაკორუნიელებს "ბარსელონასთან" ულიდერა და პლეი ოფის საგზური გაინაღდა

როგორც ამ სეზონის უმეტეს მატჩებში, ბურჯანაძე ბარსელონასთანაც საუკეთესო იყო. 20 ქულით ბექა ლაკორუნიული გუნდის ბომბარდირი გახდა და გამარჯვებაში ლომის წილი დაიდო. ქართველმა ფორვარდმა 11-დან 8 ორქულიანი, 5-დან 1 სამიანი და 2-დან 1 საჯარიმო ჩააგდო. 20 ქულასთან ერთად ბურჯანაძემ 5 მოხსნა, 1 პასი და 1 ჩაჭრა მოაგროვა, 2-ჯერ დაჯარიმდა და ბურთი 4-ჯერ დაკარგა.

ბურჯანაძის კვალზე 16-16 ქულა მიითვალეს მიგელ პენამ და მაიკლ მონაჰანმა. ბარსელონელთაგან 19 ქულით საუკეთესო იყო სტეფან პენო. ამ გამარჯვებით ლეიმა ბასკეტმა მე-4 ადგილზე გადაინაცვლა და პლეი ოფის საგზური გაინაღდა. არადა, ბურჯანაძის გუნდმა სეზონი უხეიროდ დაიწყო და საწყისი 8 ტურის შემდეგ 7 წაგებით ბოლოსწინა ადგილზე იმყოფებოდა. სადღეისოდ კი, რეგულარული ჩემპიონატის დასრულებამდე 2 ტურით ადრე ლაკორუნიელებს 16 მოგება და 12 მარცხი აქვთ. პლეი ოფში 2-9 ადგილეზე გასული გუნდები გადიან, რომლებიც უმაღლესი დივიზიონის საგზურისთვის იბრძოლებენ. მეორე ლიგის გამარჯვებული კი პირდაპირი გზით მოიპოვებს ელიტ-საგზურს.

gbf.ge

კალათბურთი, საქართველო, ლეგიონერი

არქივის კალენდარი

2019 დეკემბერი
  • ორ
  • სამ
  • ოთხ
  • ხუთ
  • პარ
  • შა
  • კვ